عێراقكوردستانهەواڵ

لە مانگی داهاتووە موچەی خانەنشینی كوردستان هاوشێوەی بەغداد دەكرێت

وتەبێژی یەكێتی خانەنشینانی كوردستان:
لە مانگی داهاتووە موچەی خانەنشینی كوردستان هاوشێوەی بەغداد دەكرێت
“موچەی (80) هەزار خانەنشینی یاسایی زیاد دەكرێت”
لیستی خانەنشینی كوردستان نادادی زۆری تیادایە
“كەسانی تیادایە تەنها (2) مانگ پەرلەمانتار بووە خانەنشین كراوە”
باسک نێت

چەندین ئافرەتی تیادایە تەمەنی نەگەیشتووەتە(30)ساڵ بە وەزیرو راوێژكارو لیوا خانەنشین كراوە
وتەبێژی یەکێتیی خانەنشینانی کوردستان دەڵێت: چاوەڕوان دەکرێت لە مانگی داهاتووەوە, موچەی خانەنشینانی هەرێمی کوردستان بەگوێرەی یاسای خانەنشینی یەکخراوی عێراق دابەشبکرێت, بەوەش مووچەی(80)هەزار خانەنشینی یاسایی لە هەرێمی کوردستان, لە (200)هەزار تاوەکو(500)هەزار دینار زیاد دەکات.


سادق عوسمان, وتەبێژی یەکێتیەكە, راگەیاندووە: لیستی خانەنشینانی هەرێمی کوردستان چەندین خەوش و نادادی تێدایە, بۆ نموونە، خەڵک هەیە تەنیا(2)مانگ پەرلەمانتار بووە، بەڵام خانەنشین کراوە, یان چەندین ئافرەت ناویان لە لیستەکاندایە و تەمەنیان نەگەیشتووەتە (30)ساڵ، بەڵام بە پلەی وەزیر، بریکاری وەزیر، راوێژکار و لیوای سەربازیی خانەنشین کراون.
جەختیشكردووە, یاسای خانەنشینی یەکخراوی عێراق یاسایەکی دادپەروەرانەیە و, زۆرێک لەم گرفتانە چارەسەر دەکات.

لێدوان بنوسە لەڕیگای فەیسبووکەوە

بابەتی دیكە

Close