بزووتنەوەی حەما*س دەڵێت، ئاگاداری قەتەر و میسریان کردووەتەوە بەوەی بە ئاگربەست رازی دەبن.

باسک نێت

ئەو دوو وڵاتە نێوەندگیری دەکەن لەنێوان حەماس و ئیسرائیل بۆ ئاگربەست.

بەگوێرەی راگەیێندراوێکی بزووتنەوەکە، لە پەیوەندییەکی تەلەفۆنیدا لەگەڵ محەممەد بن عەبدولڕەحمان ئال سانی، سەرۆکوەزیرانی قەتەر و عەباس کامل، وەزیری هەواڵگریی میسر؛ ئیسماعیل هەنییە، سەرۆکی مەکتەبی سیاسیی بزووتنەوەکە رەزامەندیی خۆیانی بە پێشنیازی ئاگربەستی هەردوو وڵاتەکە راگەیاندووە.

بەرپرسێکی بزووتنەوەکە لەدوای رازیبوونی بە ئاگربەست، بە ئاژانسی فرانس پرێسی راگەیاند: “ئێستا تۆپەکە لە گۆڕەپانی ئیسرائیلدایە.”