زانكۆی سۆران، رۆژی یەکشەممە 20ی ئەم مانگەی وەک یەکەم رۆژی دەستپێکردنەوەی ساڵی نوێی خوێندنی 2020-2021 دیاریکرد.
لە نووسراوێکدا زانکۆی سۆران خوێندکاران ئاگاداردەکاتەوە، “ئاماژه به بڕیاری ئه‌نجومه‌نی وه‌زاره‌تی خوێندنی باڵا و توێژینه‌وه‌ی زانستی به ژماره 615 ی رێكه‌وتی 9ی ئه‌یلولی 2020، ئه‌نجومه‌نی زانكۆی سۆران بڕیاریدا، رۆژی یه‌كشه‌ممه 20ی ئه‌یلولی 2020، یه‌كه‌مین رۆژی ده‌ستپێكی ساڵی نوێی خوێندنی 2020-2021 دەبێت، كه به شێوه‌ی سیسته‌می ئاوێته‌ی ئه‌لیكترۆنی ــ ئۆنلاین و ناو كه‌مپ، به‌ڕێوه ده‌چێت”.
روونیشیکردووەتەوە: “لە ئێستادا خوێندن بەشێوەی ئەلیكترۆنی دەبێت و وردەكارییەكانی تری ھاتنەوە ناو كەمپ بۆ تاقیكردنەوەكان و ئەو وانانەی كە پێویستییان بە تاقیگە ھەیە، لە لایەن بەشەكانەوە بە قوتابییان رادەگەیەندرێت”.
لێدوان بنوسە لەڕیگای فەیسبووکەوە
