كوردستانهەواڵ

زانیاری لەبارەی قوربانیانی رووداوەكەی سەر رێگای دوكان– رانیە ئاشكرا دەكرێت

دوای ئەوەی لە رووداوێكی ھاتووچۆدا چوار ئەندامی خێزانێك لەناو ئۆتۆمبێلێكدا سوتان، پۆلیس ناسنامە و زانیاری لەبارەی شوێنی دانیشتنی ئەو خێزانە ئاشكرا دەكات.

دوێنێ 2020/8/28، لەسەر رێگای سەرەکی دوکان – رانیە رووداوێکی ھاتووچۆ لەجۆری پێکدادان لەنێوان سێ ئۆتۆمبێل  له‌جۆره‌كانی‌  (تۆیۆتا – پرادۆ، تۆیۆتا – كرۆلا‌، بارهه‌ڵگر)دا رویدا، كە بووه‌ هۆی‌ سوتانی‌ پرادۆكه، له ‌ئه‌نجامی‌ رووداوه‌كه‌دا چوار ئه‌ندامی‌ یه‌ك خێزان گیانیان لەدەستدا کە سەرجەمیان لەناو ئۆتۆمبێله‌ پرادۆكه‌دا بوون.

بەڕێوەبەرایەتی پۆلیسی سلێمانی ئاشكرای كرد، لێكۆڵینه‌وه‌كانیان ده‌ستپێكرد و توانرا ناسنامه ‌و كه‌سوكاری‌ قوربانییه‌كان بدۆزرێنه‌وه‌.

ئاماژە بەوەشكراوە، به‌هۆی‌ ئه‌وه‌ی‌ ئوتۆمبێله‌كه‌ و سه‌رجه‌م سه‌رنشینه‌كانی به ‌ته‌واوی‌ سوتان، نه‌توانرا ته‌رمه‌كان بناسرێنه‌وه‌، پاش رووداوه‌كه‌ هێزه‌كانی‌ پۆلیسی‌ پارێزگای‌ سلێمانی‌ – به‌شی‌ پۆلیسی‌ دوكان لێكۆڵینه‌وه‌كانیان ده‌ستپێكردو توانرا كه‌سوكاری‌ قوربانییه‌كان بدۆزرێنه‌وه. دواتر كوڕێكی‌ ئه‌و خێزانه‌ سه‌ردانی‌ پزیشكی‌ دادوه‌ری‌ سلێمانی‌ كردو پاش لێكۆڵینه‌وه‌و پشكنینه‌كان توانرا ناسنامه‌ی‌ قوربانییه‌كان‌ و كه‌سوكاریان بدۆزرێنه‌وه‌‌.

به‌گوێرەی‌ لێكۆڵینه‌وه‌و زانیارییه‌ ده‌ستكه‌وتووه‌كانی‌ پۆلیس، ئه‌و خێزانه‌ دانیشتووی‌ گه‌ڕه‌كی‌ سه‌رچناری‌ شاری‌ سلێمانین، به‌ڵام به ‌ناسنامه‌ خه‌ڵكی‌ قه‌زای‌ شێخانن له‌ سنووری‌ شه‌نگال.

قوربانییه‌كان پێكهاتوون له ‌ژن‌ و پیاوێك ‌و دوو منداڵیان به‌ناوه‌كانی‌ (س، ب، ح له‌دایكبووی‌ 1972 شۆفێری‌ ئۆتۆمبێله‌كه‌، ل، ر، د له ‌دایكبووی‌ 1972 هاوسه‌ری‌ پیاوه‌كه‌، ئـ، ب، ح‌ له‌ دایكبووی‌ 2009 منداڵی‌‌ شۆفێره‌كه، ر، ب، ح‌ له ‌دایكبووی‌‌ 2011 منداڵی‌ شۆفێره‌كه).

د. یاد نەقشبەندی، گوتەبێژی تەندروستی سلێمانی لە لێدوانیكیدا بۆ میدیاكان رایگەیاند، رێژەی سوتانی ئەو كەسانە بە ئاستێك بوو نەتوانراوە بناسرێنەوە.

لێدوان بنوسە لەڕیگای فەیسبووکەوە

بابەتی دیكە

Close