سلێمانی.. ئه‌فسه‌رانی هاتوچۆ دژی كه‌مكردنه‌وه‌ی موچه‌كانیان گردبوونه‌وه‌

ئه‌فسه‌رانی هاتوچۆی پارێزگای سلێمانی دژ به‌ كه‌مكردنه‌وه‌ی مووچه‌كانیان گردبوونه‌وه‌یه‌كیان رێكخست.

ئه‌فسه‌رانی به‌ڕێوه‌به‌رایه‌تی هاتوچۆی پارێزگای سلێمانی دژی كه‌مكردنه‌وه‌ی مووچه‌كانیان له‌لایه‌ن حكوومه‌تی هه‌رێمی كوردستانه‌وه‌ گردبوونه‌وه‌و له‌ كۆنگره‌یه‌كی رۆژنامه‌نووسیدا ناڕه‌زایه‌تی و نیگه‌رانی خۆیان به‌رامبه‌ر به‌و بڕیاره‌ ده‌ربڕی.

راشیانگه‌یاند، پێویسته‌ حكوومه‌ت چاو به‌و بڕیاره‌یدا بخشێنێته‌وه‌و ماندوو بوونی ئه‌فسه‌رو كارمه‌ندانی هاتوچۆ له‌به‌ر چاوبگرێت و جیاوازی بكات له‌نێوان فه‌رمانبه‌رێك كه‌ به‌ فعلی له‌كاردایه‌و بندیوارێك.