فریاگوزاری سەرەتایی گەرمابردن
باسک نێت
گەرمابردن حاڵەتێکی مەترسیدارە و کاتێک روودەدات کەسەکە پلەی گەرمیی جەستەی بەرێژەیەکی مەترسیدار بەرزبووەتەوە. ئەم گرفتە زیاتر لە وەرزە گەرمەکاندا روودەدات و کەسی تووشبوو ئەم نیشانانەی هەیە: بەرزیی پلەی گەرمیی جەستە، تێکچوونی باری هۆشداری، ئێڵنجدان و رشانەوە، هەناسەتوندی، سەرئێشە و خێرابوونی لێدانی دڵ.
کاتێک کەسێک تووشی ئەم حاڵەتە دەبێت پێویستە دەستبەجێ ئەم کارانەی بۆ بکرێت:
- پشتێن، قایش، کاتژمێری دەستی، ئەنگوستیلە و ئەو شتانەی لەبەریدایە داکەنرێت
- دەست و قاچی بخرێتە ناو سەهۆڵاوەوە
- بخرێتە ژێر فێنكکەرەوەیەک و بە خاولیی تەڕ و بە سەهۆڵاو جەستەی فێنكبکرێتەوە
- ئەگەر توانای قووتدانی هەبوو و باری هۆشداریی باشبوو، ئاوی سارد و شەربەت بخواتەوە
- پەیوەندیبکرێت بە 122
- ئەگەر لێدانی دڵ یان هەناسەی نەمابوو، دەستبکرێت بە بووژانەوەی دڵ و سییەکان تاوەکو تیمی فریاکەوتن دەگەن
د. سدیق حەمەعەزیز، پسپۆڕی فریاکەوتن
لێدوان بنوسە لەڕیگای فەیسبووکەوە
