ترەمپ پشتی لە ئیسرائیل کرد بۆ ئەنجامدانی هێرشی هاوبەش بۆ سەر تاران
باسک نێت
کەناڵی (12)ی ئیسرائیل بڵاویکردەوە، دۆناڵد ترەمپ، سەرۆکی ویلایەتە یەكگرتووەكانی ئەمریکا، فەرمانی بە پنتاگۆن و سوپای وڵاتەکەی کردووە، هەماهەنگی لەگەڵ ئیسرائیل سەبارەت بە هێرشی هاوبەش بۆ سەر دامەزراوە ئەتۆمییەکانی ئێران رابگرن.
ئەم پێشهاتە هاوتەریبە لەگەڵ لێدوانێكی پێشوی ترەمپ، کە رایگەیاند: هۆشداریداوە بە بنیامین ناتانیاهۆ، سەرۆک وەزیرانی ئیسرائیل، لە ئەنجامدانی هێرش بۆ سەر ئێران، لە کاتێکدا دانوستانە ئەتۆمییەکانی نێوان واشنتۆن و تاران گەیشتووەتە قۆناغێکی پێشکەوتوو.
رۆژی چوارشەممەی رابردوو، ترەمپ بە رۆژنامەنوسانی وت: دەمەوێت راستگۆ بم، بەڵێ کردم، کاتێک پرسیاری ئەوەی لێکرا کە ئایا داوای لە ناتانیاهۆ کردووە خۆی لە ئەنجامدانی كاری سەربازی دژی ئێران بەدوور بگرێت.
ئاماژەی بەوەشکرد: وتم لە ئێستادا گونجاو نییە، كە گفتوگۆیەکی زۆر باشمان هەیە لەگەڵیان.
