ڕۆژنامەی عوکازی سعوودی رایگەیاند رەنگە ڕووسیا سووریا بەجێبهێلیت
باسک نێت
ئەمڕۆ شەممە ڕۆژنامەی عوکازی سعوودی لە زاری بەرپرسانی رووسی بڵاویکردۆتەوە، رەنگە ڕووسیا دەست بە بەجێهێشتنی سووریا بکات بە تایبەت دوای ئەوەی میدیاکان بڵاویان کردەوە کە کەشتیەکانی ڕووسی لە بەندەری تەرتوسی سووریا رۆیشتوون.
پێشتر ماڵپەری بلومبێرگی ئەمریکی بڵاویکردبووەوە کە مۆسکۆ هیچ پلانێکی نییە بۆ ڕزگارکردنی سووریا لەو دۆخەی کەئێستا تێیدایە، هەروەها باڵیۆزخانەی ڕووسیا داوای لە هاوڵاتیانی کرد کە سووریا بەجێبهێڵن، لەولاشەوە هەریەک لە ئێران و تورکیا و ڕووسیا لەسەر بارودۆخی سووریا کۆبوونەوەی سێ قۆڵیان ئەنجامدا.
لێدوان بنوسە لەڕیگای فەیسبووکەوە
