بڕی هاوكاری مامۆستایانی ئاینی خۆبەخش دیاریكرا و تا كۆتایی ئەمساڵ پێیان دەدرێت
باسک نێت
دوای ڕەزامەندی ئەنجومەنی وەزیران بە پێدانی مینحەیەكی مانگانە بە مامۆستایانی ئاینی خۆبەخش، وەزارەتی دارایی و ئابوری حكومەتی هەرێم بە نوسراوێك رەزامەندی دەربڕیوە بە پێدانی بڕی 250 هەزار دینار بەو مامۆستا ئاینیانە هاوكات تا كۆتایی ئەمساڵ هاوكارییەكەیمان پێدەدرێت.
بەگوێرەی نوسراوێكی وەزارەتی دارایی و ئابوری حكومەتی هەرێم كەوێنەیەكی لای بوارە و واژۆی ئاوات جەناب نوری وەزیری دارایی لەسەرە ئاماژە بەوەدراوە كە بڕیاردرا بە پێدانی بڕی 250 هەزار دینار وەك مینحەی مانگانە بە مامۆستایانی ئاینی خۆبەخش.
ئاماژە بەوەشكراوە، ئەو مامۆستا ئاینیانەی كە ئەو مینحەیان پێدەدرێت ژمارەیان هەزار و 500 مامۆستایە و پێدانی ئەو مینحەیە لە 1/9/2024 تا 31/12/2024 بەردەوامی دەبێت و ئەو پارەیەش لەسەر بودجەی دیوانی وەزارەتی ئەوقاف و كاروباری ئاینی خەرج دەكرێت
