بەناوی خوای گەورە و میهرەبان
ئەمشەو هەواڵی گیانلەدەستدانی ١٤ کەسمان بەهۆی رووداوی ئاگرکەوتنەوە لەناو باڵەخانەیەکی قەزای سۆران بیست، هەمووانی خەمبارکرد.
بەناوی شورای بزووتنەوەی ئیسلامییەوە پرسە و سەرەخۆشی خۆمان ئاڕاستەی کەسوکاری قوربانییەکان و ئازیزانیان دەکەین و لە پەروەردگار دەپاڕێینەوە قوربانیانی ئەو ڕووداوە ناخ هەژێنە بە بەهەشت شاد بکات و شیفای بریندارەکانیش بدات.
داواش لە لایەنە پەیوەندیدارەکانی حکومەتی هەرێم دەکەین دەستبەجێ بەدواداچوون بۆ هۆکاری رووداوەکە بکەن و چارەسەر ئەو گرفتانەش بکرێت کە بەداخەوە دووبارە دەبنەوە، تاکو جارێکیتر ڕووداوی نەخوازراوی لەو شێوەیە دووبارە نەبێتەوە.
انااللە وَإِنَّا الیە راجعون
شورای بزووتنەوەی ئیسلامی
٢٤ی جمادی یەکەمی ١٤٤٥
٨/١٢/٢٠٢٣
لێدوان بنوسە لەڕیگای فەیسبووکەوە
