بن سەلمان “ئاساییکردنەوەی پەیوەندیی لەگەڵ ئیسرائیل باجەکەی هەرچی بێت دەدیدەم، ئەگەر بشکوژرێم”
باسک نێت
گۆڤاری (زە ئەتڵانتیک) ناوەڕۆکی کۆبونەوەیەکی محەمەد بن سەلمان، شازادەی جێنشینی سعودیە و ئەنتۆنی بلینکن، وەزیری دەرەوەی ئەمریکای بڵاوکردوەتەوە .
بەپێی گۆڤارە ئەمریکییەکە، ئەو کۆبونەوەیە مانگی کانونی دووەمی ئەمساڵ لە شاری (العلا) بەڕێوەچووە .
ئەمانەی خوارەوە، بەشێکن لە ناوەڕۆکی ئەو کۆبونەوەیەی نێوان بلینکن و بن سەلمان (بەپێی گۆڤارە ئەمریکییەکە):
محەمەد بن سەلمان بە بلینکنی وتووە:
کێشەی فەلەستین پەیوەندیی بە ئێمەوە نیە و بۆ سعودیە گرنگ نیە.
غە*زە و فە*لەستین بۆ دەسەڵاتی سعودیە گرنگ و جێی بایەخ نیە، بەڵام گەنجانی سعودیە گرنگیی پێدەدەن .
ڕێککەوتنی ئاساییکردنەوەی پەیوەندیی لەگەڵ ئیسرائیل بە پێویست دەزانم هەرچەندە دەزانم زۆر لەسەر کەسایەتییم دەکەوێت، تەنانەت ڕاوێژکارەکانیشم پێیانوتووم; ئەو رێککەوتنە ئەوە ناهێنێت خۆت بخەیتە ناو مەترسییەوە، بەڵام بۆ من گرنگە، هەرچەندە لەوانەیە وەک ئەنوەر سادات بکوژرێم .
ئیسرائیل دەتوانێت بەتەواوی غە*زە داگیربکات، بەڵام با ئەوە بکەوێتە دوای ڕێککەوتنی ئاساییکردنەوەی پەیوەندییەکانمان لەگەڵ ئیسرائیل
گۆڤارەکە دەڵێت; سەردانەکەی بلینکن بۆئەوە بووە هانی بن سەلمان بدات دەست بە گفتوگۆکانی ئاساییکردنەوەی پەیوەندییەکانی لەگەڵ ئیسرائیل بکاتەوە، کە بەهۆی رووداوەکانی غە*زەوە لە ڕێڕەوی خۆیان لایانداوە
.
