دادگای فیدراڵیی عێراق لەبارەی پرسی دواکەوتنی موچە و راگرتنی پلەبەرزکردنەوەی فەرمانبەرانی هەرێمی کوردستان کۆدەبێتەوە.
کۆبوونەوەکەی دادگای فیدراڵیی عێراق ئەمرۆ یەک شەممە، لەسەر دوو سكاڵا بە پێی ماددەکانی 12 و 13 یاسای بودجەی گشتیی عێراق بەڕێوەدەچێت.
سکاڵای یەکەم چوار فەرمانبەری هەرێمی کوردستان لە دادگاکە لەسەر محەمەد شیاع سودانی، سەرۆکوەزیرانی عێراق و مەسرور بارزانی، سەرۆکوەزیرانی هەرێمی کوردستان تۆماریان کردووە. داوایان کردووە، هەردوو حکومەت ناچاربکرێن، کە 30 رۆژ جارێک موچە دابەشبکەن.
سکاڵای دووەم لەلایەن 9 فەرمانبەری هەرێمی کوردستان لەسەر سەرۆکوەزیرانی هەرێمی کوردستان و وەزیری دارایی هەرێم تۆماریان کردووەو پەیوەندی بە راگرتنی پلەبەرزکردنەوەی فەرمانبەرانی هەرێم هەیە، ئەمە جگە لە دواکەوتنی موچە.
لێدوان بنوسە لەڕیگای فەیسبووکەوە