كوردستانهەواڵ

حکومەتى هەرێم: کارەباى نیشتیمانی زیاتر دەدرێتە هاوڵاتییان

کومەتى هەرێمى کوردستان رایگەیاند، بەهۆی کەم بوونەوەی سەرپێچییەکان کارەبای زیاتر بە هاوڵاتییان دەدرێت.    لە راگەیەندراوێکدا فەرمانگەى میدیا و زانیارى حکومەتى هەرێمی کوردستان ئاماژە بەوەدەکات، لە هەشت مانگی یەکەمی ئەمساڵ، زیاتر لە هەشت هەزار سەرپێچی کارەبا لە هەرێم تۆمارکراون، چوار هەزار و 596 سەرپێچی تەنیا لە پێوەری زیرەک بووە، کە 29 دۆسیەیان رادەستی دادگە کراون.  
دەقى راگەیەنراوەکە:

 کەمال محەمەد ساڵح، وەزیری کارەبا، لە کۆبوونەوەیەکی فراوان-دا دوای دەست بەکاربوونی، کە بەڕێوەبەرانی گشتی کارەبای پاڕێزگا و ئیدارە سەربەخۆکان بەژدار بوون بریاری دا کاربکرێت بۆ نەهێشتنی سەرپێچییەکانی سەر تۆری کارەبای نیشتیمانی و چاوپۆشی لە هیچ لایەن و کەسایەتییەک نەکرێت.     لەو کاتەوە بڕیارەکە چووەتە بواری جێیبەجێکردن و توانراوە بڕێکی باش کارەبای بەفیڕۆ چوو بگەرێنرێتەوە ناو تۆرەکانی کارەبای نیشتیمانی و بووەتە هۆی زیادبوونی پێدانی ماوەکانی کارەبا بە هاوبەشان.     ئەمەش دوای ئەوە دێت کە کابینەی نۆیەمی حکومەتی هەرێمی کوردستان بڕیاریدا چاکسازی لە تەواوی ئەو سێکتەرانە بکات کە دەبێتە هۆی باشتر خزمەت کردنی هاوڵاتییان و نەمانی گەندەڵی و سەرپێچی کارانیش بداتە دادگە.    لەئێستاشدا بۆ ئەوەی پرۆژەکە بە شێوەیەکی روون و شەفاف بەڕێوە بچێت، وەزارەتی کارەبا لەلایەن لیژنەیەکی تایبەت خشتەی سزا و سەرپێچییەکانی سەر تۆڕەکانی کارەبا لە هەشت مانگی یەکەمی ئەمساڵی بڵاوکردەوە، کە بەم جۆرەی خوارەوە بووە:    لە هەشت مانگی یەکەمی ئەمساڵ، زیاتر لە هەشت هەزار سەرپێچی لە سەرانسەری هەرێم تۆمارکراون، چوار هەزار و 596 سەرپێچی تەنیا لە پێوەری زیرەک بووە، کە 29 دۆسیەیان رادەستی دادگە کراون.

لێدوان بنوسە لەڕیگای فەیسبووکەوە

بابەتی دیكە

Close