عێراقهەواڵ

ئێران داوا دەکات حزبە نەیارەکانی ئێران لە هەرێم دەربکات

سەرۆکی ئەنجومەنی ئاسایشی ئێران داوا لە سەرۆک وەزیرانی عێراق دەکات حزبە نەیارەکانی ئێران لە هەرێم دەربکات.

یەکشەممە مستەفا کازمی، سەرۆک وەزیرانی عێراق سەردانی تارانی کرد و لەگەڵ ئیبراهیم رەئیسی سەرۆک کۆماری ئێران کۆبوە و دواتر لەگەڵ عەلی شەمخانی، سەرۆکی ئەنجومەنی ئاسایشی نیشتیمانیی ئەو وڵاتە کۆبوەوە و شەمخانی داوای لێکرد بەپەلە حیزبەکانی رۆژهەڵاتی کوردستان لە هەرێمی کوردستان دەربکرێن.

شەمخانی لە کۆبونەوەی لەگەڵ کازمی رایگەیاند؛ جموجۆڵی نەیارانی کۆماری ئیسلامی ئێران لە هەرێمی کوردستان مایەی نیگەرانییە و دەبێتە هۆی تێکدانی ئاسایشی سنورەکانی نێوان دو وڵاتەکە بۆیە دەبێت ئەو گروپانە بێ چەک بکرێن و بەپەلە لە هەرێم و عێراق دەربکرێن.

شەمخانی جەختی لەوە کردەوە، حزبەکانی رۆژهەڵاتی کوردستان لە چوارچێوەی پلانەکانی ئەمەریکا دژی کۆماری ئیسلامی جمۆجۆڵ و چالاکیی ئەنجام دەدەن و ئەوەش توندوتیژیی لە ناوچەکە لێدەکەوێتەوە.

ئەو بەرپرسەی ئێران لە مانگی رابردو و لەکاتی کۆبونەوە لەگەڵ فواد حسێن، وەزیری دەرەوەی عێراق داوای کرد کە حزبەکانی رۆژهەڵات لە هەرێم دەربکرێن بە پێچەوانەوە ئەو وڵاتە هێرش دەکاتە سەر نەیارانی کۆماری ئیسلامی ئێران لە هەرێمی کوردستان.

لێدوان بنوسە لەڕیگای فەیسبووکەوە

بابەتی دیكە

Close