ئابووریعێراقكوردستانهەواڵ

پێشبینیی دابەزینێکی بەرچاوی نرخی دۆلار دەکرێت

ئه‌ندامێكى لیژنه‌ى دارایى له ‌په‌رله‌مانى عێراق پێشبینى ده‌كات، له ‌ماوه‌ى دوو مانگى داهاتوودا، نرخى دۆلار به‌رامبه‌ر به‌دینارى عێراقى دابه‌زینێكى بەرچاو به‌خۆیه‌وه‌ ببنێت.

باسک نێت- ئابوری
موزر كوڕه‌وى، ئه‌ندامى لیژنه‌ى دارایى له ‌په‌رله‌مانى عێراق لە لێدوانێکدا ڕایگه‌یاند: “بازاڕى دراوه‌كان له‌ عێراق به‌ره‌به‌ره‌ خه‌ریكه‌ دابه‌زین به‌خۆیه‌وه‌ ده‌بینێت، كه‌ ئه‌مه‌ش ده‌بێته‌هۆى سه‌قامگیركردنى بازاڕ و كه‌مكردنه‌وه‌ى فشار له‌سه‌ر بازاڕ و نرخى دراوه‌كان”.


ڕاشیگه‌یاند: “بازاڕى دراوه‌كان 15%ـى به‌هاكه‌ى له‌ده‌ستده‌دات، به‌مه‌ش له‌ ماوه‌ى دوو مانگى داهاتوودا، نرخی دۆلار زۆر داده‌به‌زێت، ئه‌مه‌ش هاوكات ده‌بێت له‌گه‌ڵ ڕێكاره‌كانى بانكى ناوه‌ندى بۆ به‌ئه‌لیكترۆنیكردنى بازاڕى ئاڵوگۆڕی دراوه‌كان و كه‌مكردنه‌وه‌ى پرسى بردنه‌ده‌ره‌وه‌ى دۆلار”.


ئەو ئەندامی لیژنەی دارایی لە پەرلەمانی عێراق دەشڵێت، دابەزینی نرخى دۆلار به‌هۆى سیاسه‌تى بانكى ناوه‌ندیی عێراق و ڕێكاره‌كانى ئه‌مدواییه‌ى بووە، حكومه‌تى عێراقیش گرنگییه‌كى زیاترى به‌ پشتیوانیكردنى دینار داوه‌ به‌رامبه‌ر دۆلار.

لێدوان بنوسە لەڕیگای فەیسبووکەوە

بابەتی دیكە

Close