كوردستانهەواڵ

لە (10) رۆژدا شەش کۆڵبەر لە سنورەکانی رۆژهەڵاتی کوردستان کوژراون

رێکخراوی مافی مرۆڤی هەنگاو بڵاویکردوە، کۆڵبەرێکی گەنج لە سنورەکانی سەوڵاوا لە رۆژهەڵاتی کوردستان بەتەقەی راستەوخۆی هێزە چەکدارەکانی ئێران کوژراوە، دەشڵێت: لە (10) رۆژدا شەش کۆڵبەر کوژراون.

لە راپۆرتێکی رێکخراوی مافی مرۆڤی هەنگاودا هاتووە، لە ئەنجامی دەستڕێژی ڕاستەوخۆی هێزە چەکدارەکانی ئێران کۆڵبەرێکی تەمەن (32) ساڵ کوژراوە و کؤلبەرێکی دیکەش بریندار بووە کە هەردووکیان خەڵکی شاری مەریوانن.

ئاماژە بەوەشکراوە، ئەو کۆڵبەرەی برینداربووە گواستراوەتەوە بۆ بنکەیەکی تەندروستی مەریوان بەڵام باری تەندروستی ناجێگیرە.

هاوکات بەپێی ئامارێکی رێکخراوەکە ، تەنیا لەماوەی کەمتر لە (10) رۆژدا شەش کۆڵبەر بە تەقەی راستەوخۆی چەکدارانی ئێران لە سنورەکانی رۆژهەڵاتی کوردستان کوژراون.

لێدوان بنوسە لەڕیگای فەیسبووکەوە

بابەتی دیكە

Close