كوردستانهەواڵ

پۆلیسی سلێمانی بكوژێكی دەستگیركرد

بەڕێوەبەرایەتی پۆلیسی پارێزگای سلێمانی رایگه‌یاند، مەفرەزەكانی بنكەی پۆلیسی بەكرەجۆ تۆمەتبارێكیان دەستگیركرد، كه‌ شه‌وی رابردوو هاوسه‌ری پێشووی خۆی كوشتبوو.

بەڕێوەبەرایەتی پۆلیسی پارێزگای سلێمانی بڵاویكرده‌وه‌، شەوی رابردوو کاتژمێر 9:30 لە گەڕەكی بەكرەجۆی شاری سلێمانی دەنگی تەقە بیستراوه‌، دەستبەجێ‌ مەفرەزەكانی بنكەی پۆلیسی بەكرەجۆ گەیشتوونەته‌ شوێنی رووداوەكە و دەركەوتووه‌، كە پیاوێك فیشەكی ناوە بە هاوسه‌ری پێشووی و كوشتویەتی و دواتریش هەڵاتووە.

بەڕێوەبەرایەتییه‌كه‌ ئاماژه‌ی به‌وه‌ كرد، دوای رووداوه‌كه‌ بنكەی پۆلیسی بەكرەجۆ و نووسینگەی نەهێشتنی تاوانی كوشتن راسپێردران، كە لێكۆڵینەوەی ورد لە رووداوەكە بكەن و تۆمەتبار بدۆزنەوە و دەستگیری بكەن.

ئاماژه‌ی به‌وه‌ش كرد، دوای لێكۆڵینەوەكان و گەڕان و پشكنینەكان، توانرا لە ماوەی 3 کاتژمێردا تۆمەتبار بدۆزرێتەوە و دەستگیربكرێت، روونیشكرده‌وه‌، تۆمەتباره‌كه‌ (م، ك، أ) لەدایكبووی (1986)ه‌ و بە بڕیاری دادوەر راگیراوە و لێكۆڵینەوە لەگەڵیدا بەردەوامە.

بەڕێوەبەرایەتی پۆلیسی پارێزگای سلێمانی ئاشكرای كرد، بكوژ و كوژراو لە پڕۆسەی هاوسەرگیرییان لێك جیابوونەتەوە، بەڵام لە ماڵێكدا پێكەوە ژیاون.

لێدوان بنوسە لەڕیگای فەیسبووکەوە

بابەتی دیكە

Close