كوردستانهەواڵ

لە سلێمانی تۆمەتبارێك بە چەند پارچە چەكێكەوە دەستگیركرا

مەفرەزەكانی بنكەی پۆلیسی رزگاری لە شاری سلێمانی، تۆمەتبارێكیان دەستگیركرد كە چەند پارچە چەكێكی نایاسایی ‌و كامێرای نهێنی نایاسایی هێناوەتە سلێمانی‌ و بەنیازبووە ساغی بكاتەوە.

بەڕێوەبەرایەتی پۆلیسی پارێزگای سلێمانی رایگەیاند، دوای ئەوەی زانیاری گەیشتە هێزەكانی پۆلیس لەسەر تۆمەتبارێك كە چەكی نایاسایی ‌و بێ مۆڵەت‌ و كامێرایی چاودێریی نایاسایی هێناوەتە شاری سلێمانی، مەفرەزەكانی بنكەی پۆلیسی رزگاری لێكۆڵینەوەكانیان دەستپێكرد و پاش وەرگرتنی بڕیاری دادوەر توانرا تۆمەتبارەكە بدۆزرێتەوە و دەستگیربكرێت‌.

ئاماژەی بەوەشکردووە، لەگەڵ دەستگیرکردنی تۆمەتبارەکە، دەستیشگیراوە بەسەر چەند چەكێكی بێ مۆڵەتی نایاسایی ‌و كامێرای چاودێری نهێنیدا، هەروەها دەستیشگیرا بەسەر ئوتۆمبێلی تۆمەتبارەکەدا.

بەڕێوەبەرایەتی پۆلیسی پارێزگای سلێمانی راشیگەیاندووە، لەئێستادا تۆمەتبار (م، ع، ح، لەدایكبووی 1977) دانیشتوی قەزای ڕانیە بەبڕیاری دادوەر ڕاگیراوە و لێكۆڵینەوە لەگەڵیدا بەردەوامە.

لێدوان بنوسە لەڕیگای فەیسبووکەوە

بابەتی دیكە

Close