عێراقهەواڵ

لە ڕوداوێکی هاتوچۆدا لە عێراق ١٤ هاوڵاتی بە تەواوی سوتاون

بەڕێوەبەرایەتی بەرگری شارستانی عێراق ڕایگەیاند، درەنگای شەوی ڕابردوو لە رووداوێکی هاتووچۆدا لە پارێزگای موسەنا، ١٤ هاوڵاتی سوتاون و گیانیان لەدەستداوە.

لە بەیاننامەیەکدا بەڕێوەبەرایەتی بەرگری شارستانی بڵاویکردەوە، لقی بەرگری شارستانی موسەنا توانیویانە لە ڕوداوێکی هاتووچۆدا ٣ هاوڵاتی ڕزگار بکەن و تەرمی سوتاوی ١٤ کەسیش دیکەش هەڵبگرنەوە.

روداوەکەش لە نێوان ئۆتۆمبلێکی جۆری ستاراکس و پاسێکی نەفەربەردا، لەسەر ڕێگای خێرای پاریزگای موسەنا روویداوە، لە کاتی ڕوداوەکەدا دەستبەجێ ئاگر لە هەردوو ئوتۆمبێلەکە بەربووە و ئەو زیانە گیانە گەورەیە لێکەوتووەتەوە.

ئاماژەی بەوەشکردووە، تیمی بەرگری شارستانی ڕووبەڕووی فشارێکی زۆر بوونەتەوە تا توانیویانە ئەو سێ کەسە بە زیندووی رزگار بکەن و ئاگری روداوەکە کۆنترۆڵ بکەن.

دوای ئەنجامدانی پشکنین و هێڵکاری ڕوداوەکە دەرکەوتووە، ڕوداوەکە بەهۆی خێرایی زۆر و بێ ئاگاییەوە بووە.

لە ئیستادا قوربانیانی ڕوداوەکانی هاتووچۆ لە سەرانسەری عێراق و هەرێمی کوردستان، ململانی دەکات لەگەڵ قوربانییەکانی پەتای کۆرۆنا، بەشێوەیەک کەم ڕۆژ هەیە روداوی هاتووچۆی ترسناک لە هەرێم و عێراق تۆمار نەکرێت.

لێدوان بنوسە لەڕیگای فەیسبووکەوە

بابەتی دیكە

Close