كوردستانهەواڵ

لە قەڵادزێ دوو کەس بە سێ کیلۆ و نیو مادەی هۆشبەرەوە دەستگیرکران

دوو کەس بە سێ کیلۆ و نیو مادەی هۆشبەرەوە لە قەڵادزێ دەستگیرکران، کە ویستویانە ئەو موادە هۆشبەرە بنێرن بۆ دەرەوەی ووڵات.

بەپێى ڕاگەیەندراوى بنکەى ئاسایشى هەڵشۆ، ئەو دوو تۆمەتبارە ڕۆژی( 6/5/2021)، بەناوەکانى (م,ئ,ه) و (م,ع,ب) دەستگیرکراون.

بەپێى زانیارى ڕاگەیەندراوەکە، تۆمەتبارەکان بڕی (سێ‌ كیلۆ و نیو) موادی هۆشبەریان لە جۆری (تلیاك)پێ‌ بووە, ویستویانە ئەو موادە هۆشبەرە لە ڕێگەی نوسینگەیەكی پۆستەو گەیاندندا لەناو شاری قەڵادزێ‌ بنێرن بۆ سلێمانی و لە وێشەوە بۆ دەرەوەی ووڵات.

لە ئێستادا تۆمەتباران ڕاگیراون بە مادەی (26) لە ( یاسای بەرەنگاربوونەوەی ماددە هۆشبەرەكان و كارتێكەرە عەقڵیەكان)، پەڕاوی لێكۆڵینەوەیان بۆ كراوەتەوە و لێكۆڵینەوە لەم دۆسیەیە بەردەوامە.

لێدوان بنوسە لەڕیگای فەیسبووکەوە

بابەتی دیكە

Close