كوردستانهەواڵ

پارێزگاكانی هه‌رێم: قه‌ده‌غه‌ی هاتوچۆ هه‌ڵوه‌شێنرایه‌وه‌ و نوێژی جه‌ژن ده‌كرێت

دوای ئه‌وه‌ی به‌ بڕیاری وه‌زاره‌تی ناوخۆ، قه‌ده‌غه‌ی هاتوچۆ هه‌ڵوه‌شێنرایه‌وه‌، كه‌ له‌ هه‌فته‌ی رابردوو، راگه‌یه‌ندرابوو، ئه‌مڕۆ پارێزگاكانی هه‌ولێر و سلێمانی و دهۆك رێنماییان بۆ چۆنێتی جێبه‌جێكردنی پلانی خۆپارێزی ده‌ركرد و رایانگه‌یاند، له‌ رۆژانی جه‌ژنی ره‌مه‌زانی پیرۆز هاتوچۆ ئاساییه‌ و نوێژی جه‌ژنیش به‌ گوێره‌ی رێنماییه‌كانی خۆپارێزی ده‌كرێت. 

ژووری ئۆپه‌راسیۆنی پارێزگای هه‌ولێر بڕیاری دا:

1-        له‌ رۆژانی جه‌ژن هاتوچۆ ئاسایی ده‌بێت.

2-        هەمووجۆرە گردبوونەوە و قەرەباڵغییەک قەدەغەیە.

3-        نوێژی جه‌ژن به‌ گوێره‌ی رێنماییه‌كان خۆپارێزی ده‌كرێت.

4-        قه‌ده‌غه‌ى هاتوچۆی له‌گه‌ڵ شاره‌كانی عێراق وه‌ك خۆی ده‌مێنێته‌وه.

5-        بەرپرسیاریەتی گەورە لە سەرشانی خودی هاوڵاتییاندایە.

له‌ پارێزگای دهۆكیش به‌ هه‌مان شێوه‌ بڕیاری قه‌ده‌غه‌ی هاتوچۆ به‌ر له‌ هاتنی ماوه‌ی جێبه‌جێكردنی هه‌ڵوه‌شێندرایه‌وه‌ و ژووری ئۆپراسیۆنی پارێزگاكه‌ ژماره‌یه‌ك بڕیاری ده‌كرد، كه‌ ئه‌مانه‌ن:

1-        هاتوچۆ له‌ رۆژانی جه‌ژن ئاساییه‌.

2-        گردبوونه‌وه‌ و قه‌ره‌باڵغی قه‌ده‌غه‌یه‌.

3-        به‌ گوێره‌ی رێنمایی نوێژی جه‌ژن ده‌كرێت.

4-        هاتوچۆ له‌گه‌ڵ شاره‌كانی عێراق وه‌ك پێشتر ده‌بێت.

له‌ پارێزگای سلێمانی، بڕیاره‌كانی سه‌رۆكی لیژنه‌ی باڵای ئۆپراسیۆنه‌كانی پارێزگای سلێمانی بۆ به‌ره‌نگاربوونه‌وه‌ی كۆرۆنا ئه‌مانه‌ن:

1-        له‌ جه‌ژنی ره‌مه‌زانی پیرۆز قه‌ده‌غه‌ی هاتوچۆ نییه‌.

2-        هه‌ر شوێنێك پابه‌ندی خۆپارێزی نه‌بێت داده‌خرێت.

3-        قه‌ده‌غه‌ی هاتوچۆ له‌گه‌ڵ شاره‌كانی عێراق وه‌ك خۆی ده‌مێنێته‌وه‌.

4-        یه‌كه‌ ئیدارییه‌كان ده‌سه‌ڵاتیان هه‌یه‌ به‌ پێێ رێنماییه‌كان كار بكه‌ن.

لێدوان بنوسە لەڕیگای فەیسبووکەوە

بابەتی دیكە

Close