كوردستانهەواڵ

لە ڕووداوێکی هاتووچۆدا لە دهۆک دوو کەس گیانیان لەدەستدا

لە رووداوێکی هاتووچۆدا لەسەر رێگای نێوان قەزای بەردەڕەش و ناحیەی رۆڤیا لە پارێزگای دهۆک دوو کەس گیانیان لەدەستدا.

ئازاد تەها بەڕێوەبەری راگەیاندنی هاتووچۆی پارێزگای دهۆک راگەیاند، کاتژمێر 4:45 خولەکی بەرەبەیانی ئەمڕۆ یەکشەممە ١٨ی٤ی٢٠٢١، رووداوێکی هاتووچۆ لەسەر رێگای نێوان قەزای بەردەڕەش و ناحیەی رۆڤیا لە نزیک گوندی دۆستەک روویداوە.

ئاماژەی بەوەشکرد، رووداوەکە لە نێوان دوو ئۆتۆمبێل لە جۆرەکانی مازدا تایبەت و بارهەڵگرێک روویداوە و بەهۆیەوە دوو هاوڵاتی گیانیان لەدەستداوە و زیانی ماددی زۆریش بەر ئۆتۆمبێلەکان گەیشتووە.

ئەوەش لە کاتێکدایە لە سێ رۆژی رابردوودا، لە سنوری پارێزگای دهۆک نۆ کەسی دیکە بەهۆی رووداوی هاتووچۆوە برینداربوون.

لێدوان بنوسە لەڕیگای فەیسبووکەوە

بابەتی دیكە

Close