جیهانهەواڵ

محەمەد جەواد زەریف : ئیسرائیل ده‌یه‌وێت لە عێراق هێرشدەکاتە سەر ئەمریکا تا ئێمە تۆمەتبار بکات

وەزیری دەرەوەی ئێران رایگەیاند، “بە کرێگیراوەکانی ئیسرائیل پلانیان هەیە هێرش بکەنە سەر سوپای ئەمەریکا لە عێراق بۆ ئەوەی ئێران تۆمەتبار بکەن بەو هێرشانە.”

محەمەد جەواد زەریف وەزیری دەرەوی ئێران لە تویتێکیدا ئەوەی خستووەتەڕوو، “زانیاری هەواڵگریمان، هەیە کە ئاماژە بەوەدەکەن بە کرێگیراوەکانی ئیسرائیل پلانیان هەیە هێرش بکەنە سەر سوپای ئەمەریکا لە عێراق بۆ ئەوەی ئێران تۆمەتبار بکەن بەو هێرشانە و دۆناڵد ترەمپ روبەڕوی هەڵدێرێکی مەترسیدار بکەنەوە.”

هاوکات، زەریف بە دۆناڵد ترەمپ دەڵیت، “ئاگاداربە نەکەویتە داوەکەوە، یارییە ئاگرینەکان ئەنجامی پێچەوانەی دەبێت.”

ئەوەش لەکاتێکدایە، دوێنێ، فەرماندەی فەیلەقی قودسی سەر بە سوپای پاسدارانی ئێران رایگەیاندبوو، دوور نییە تۆڵەکردنەوە لە ناوخۆی ئەمریکاوە بۆ خوێنی سولەیمانی ئەنجام بدەن، لە بەرامبەریشدا، وەزیری دەرەوەی ئەمریکا لە وەڵامی هەڕەشەکانیدا لە تویتەری خۆی وێنەی ئەو کۆبوونەوەیەی بڵاوکردەوە، کە پێشتر ئیدارەی ترەمپ تاوتوێی وەشاندنی گورزی سەربازیان بۆ سەر ئێران کردبوو.

لە ٣ی کانوونی دووەمی ساڵی رابردوو، لە فرۆکەخانەی بەغدای نێودەوڵەتی هەریەک لە قاسم سلێمانی و ئەبومەهدی موهەندیس کوژران.

بابەتی دیكە

Close