كوردستانهەواڵ

بەرەبەیانی ئه‌مڕۆ دوو بومەلەرزە لە کفری روویاندا

بەرەبەیانی ئەمڕۆ هەینی، بومەلەرزەیەک لە قەزای کفری روویدا، کە لە قەزای کەلار و قەسری شیرینیش لە رۆژهەڵاتی کوردستانیشی هەستی پێکراوە.

ناوەندی تۆمارکردنی بومەلەرزەی زانکۆی تاران بڵاویکردەوە، لەکاژێر ١:١٥ خولەکی بەرەبەیانی ئەمڕۆ هەینی بومەلەرزەیەک بە گوڕی 4.9 پلەی ریختەر لە قەزای کفری لە هەرێمی کوردستان تۆمارکراوە، دەشڵێت، بومەلەرزەکەی کفری لە کەلار و قەسری شیرین لە پارێزگای کرماشانی رۆژهەڵاتی کوردستانیش هەستی پێکراوە.

هاوکات، قائیمقامی قەسری شیرین لەبارەی بوومەلەرزەکەوە رایگەیاندووە، ناوەندی بومەلەرزەکە کفری بووە و هیچ زیانێکی گیانی و ماددیان لەبارەی بومەلەرزەکەوە پێنەگەیشتووە.

هەر بەپێی ناوەندی تۆمارکردنی بوومەلەرزەی زانکۆی تاران لەکاتژمێر ٢:٣٠ خولەک جارێکی دیکە بومەلەرزەیەک بە گوڕی 3.6 پلەی ریختەر لە شاری کفری روویداوەتەوە.

بومەلەرزە؛ رووداوێکی سروشتییە، بەهۆی جوڵانی پلێتەکانی ژێرزەوییەوە دروستدەبێت و لەسەر ئاستی جیهان چەند چرکەیەک جارێک بومەلەرزە روودەدات، بەڵام ژمارەیەکی زۆر کەمیان ئەوەندە بەهێزن کە هەستیان پێبکرێت.

لێدوان بنوسە لەڕیگای فەیسبووکەوە

بابەتی دیكە

Close