لیژنەى باڵاى پارێزگاى هەولێر، خاوەن خانووە زێدەڕۆکانى سنوورى شارەوانییەکان ئاگادار دەکاتەوە، بە مەبەستى پێشکەشکردنى داواکارى تەملیک کردن، بەزووترین کات سەردانى لیژنەکان بکەن.
لیژنەى باڵاى پارێزگاى هەولێر، لە راگەیەندراوێکدا ئاماژەی بەوەکردووە “ئاگادارى گشت خاوەن خانووە زێدەڕۆکانى سنوورى شارەوانییەکان دەکەینەوە، کە یاساى بەخاوەنکردنى ئەو زەویانەى لە سنوورى شارەوانییەکان زێدەڕۆیی لەسەر کراوە، دواى هەموارکردنەوەى لە پەرلەمان بەیاساى ژمارە (7)ى ساڵى 2021، ئێستا بەرکارە و لیژنەکانمان لە تەواوى قەزا و ناحییەکان دەست بەکارن”.
ئەوەشخراوەتەڕوو “پێویستە هاووڵاتییان بەزووترین کات سەردانى لیژنەکان بکەن، بەمەبەستى پێشکەش کردنى داواکارى تەملیک کردن، لەبەر ئەوەى ماوەکە دیاریکراوە و بە پێچەوانەوە مافى تەملیک کردنیان نامێنێت”.
لێدوان بنوسە لەڕیگای فەیسبووکەوە
