عێراقهەواڵ

کۆمسیۆن وادەی هاوپەیمانیکردنی حزبەکانی درێژکردەوە

کۆمسیۆنی باڵای هەڵبژاردنەکانی عێراق وادەی هاوپەیمانیکردنی لەنێوان حزب ولایەنەکاندا بۆ 10 ی شوبات درێژکردەوە.

عەبدولڕەزاق موشیر بەرپرسی لقی هەولێری کۆمسیۆنی هەڵبژاردنەکان لە کۆنفرانسێکی رۆژنامەوانیدا ڕایگەیاند جگە لە هاوپەیمانیکردن وادەی نوێکردنەوەی تۆماری دەنگدەرانیش دوو مانگی درێژکراوەتەوە و هەتا 31 ی ئازار هاوڵاتیان دەتوانن سەردانی بنکەکانیان بکەن.

ڕاشیگەیاند خۆ تۆمارکردنی کاندیدەکان بۆ بەشداریکردن لە هەڵبژاردنەکان هەتا  سەرەتای مانگی سێ درێژکراوەتەوە.

ئەو بەرپرسەی کۆمسیۆن ئاشکراشیکرد ژمارەیەکی زۆر لە حزب و کەسایەتی فۆڕمی کاندیدیان وەرگرتووە،بەڵام هەتا ئێستا کەس خۆی لای ئەوان تۆمارنەکردوە.

ئەوە لەکاتێکدایە بڕیارە رۆژی 10 ی ئۆکتۆبەری ئەمساڵ هەڵبژاردنی پێشوەختەی پەرلەمانی عێراق بەڕێوەبچێت.

لێدوان بنوسە لەڕیگای فەیسبووکەوە

بابەتی دیكە

Close