كوردستانهەواڵ

م. حسن شێخانی بەرپرسی مەڵبەندی کەرکوکی بزووتنەوەی ئیسلامی ” وەرن مەردبن لەبەغدا بکشێنەوە

م. حسن شێخانی بەرپرسی مەڵبەندی کەرکوکی بزووتنەوەی ئیسلامی “
وەرن مەردبن لەبەغدا بکشێنەوە
وەرن پیاوبن چاکسازی ڕاستەقینە بکەن لە هەرێمی کوردستان
وەرن مەرد بن بکشێنەوە لە بەغدا
وەرن پیاو بن چاکسازی راستەقینە بکەن لە هەرێمی کوردستان.
بۆ یەک جاریش بێت ئەم هەڵوێستە وەر گرن و بکشێنەوە له‌ پڕۆسه‌ی سیاسی عێراق، هەر لە سه‌رۆک کۆمارو جێگری سه‌رۆک وه‌زیران و پەرلەمان و هەمو وه‌زیرو ئه‌ندامانی پەرلەمان و تێکڕای نوێنه‌رانی کوردستان وەرنەوە بۆ کوردستان.
وەرنەوە
…#شەره‌فنامەیە…
بنوسن بە ئامادەبونی هەمو سەرکردەی حزبەکان و پەیامی کورد بدەنە هەمو جیهان کەوا عێراقی نوێ گەلەکۆمە دەکەن دژی گەلی کورد، لێرە ماڵی کورد رێکبخەن و و مێژوویەکی پڕ سەروەری بۆ خۆتان تۆماربکەن وکار بە پرۆسەی چاکسازی راستەقینە دەست پێ بکەن و گەندەڵی بنەبڕ بکەن، ڕونکردنەوە بدەنە هەمو جیهان واز لە تانەو تەشەرە بێنن دژی یەکتر،
تاکەی تەخوینکردنی یەکتر،
تاکەی هەڵدانەوی مێژوو و ناشرین کردنی یەکتر،
تاکەی پەراوێز خستن وەپاشقول لێدان دژی یەکتر،
تاکەی لەبەردەم دوژمن زەلیل و لە بەردەم گەل خۆتان دەشارنەوە،
ئەوان هەزار جیاوازیان هەیە بەڵام بەرانبەر کوردستان یەک سەنگەرو یەک هەڵوێستن.
ئەی ئیمە بۆ وانەبین؟
بەسە ئیتر بەسە قوربانیانی ئەنفال و هەله‌بجەو گەرمیان با بحەسێنەوە تەنها بۆ ساتیکێش بێت، ئینجا بزانن چۆن هەمو دونیا حیسابتان بۆ دەکەن هەر لە بەغداو ئەنقەرەو تاران، گومانم نیە ئەوەی بەگەلی کورد دەکرێت لە عێراق، جولەکە بە فەلەستیینیه‌کانی نەکردووە لە مێژودا، لێرەوە جیگەی خۆیەتی دەسخۆشی لە ئەندام پەرلەمانە کوردەکان بکەین لە بەغدا کە یەک هەڵوێست و هاو هەڵوێست بون دژی پلانگێڕان لە بەغدا کە دەیانەوێ ئیراده‌ی گەلەکەمان بپسێنن وبشکێنن، جەنگی قوتی میللەتەکەمان دەکەن لەگەڵماندا، کورد باجی هەڵویسته‌کانی دەدات هەر لەدەرکردنی هێزەکانی هاوپەیمانان و مل نەدان بۆ ململانێی لایەنە سیاسییەکانی بەغدا و هەتا ئەو کاتەی کە پشتگیری لە ئاوارەکان و دەیان دۆسیه‌ی دیکە.
بەغدا کوردی ناوێ بەژێر دەستەیی نەبێ و کوردێکی دەستەمۆ کراوی دەوێ .
وە لە کۆتاییدا دەڵێم چاکسازی ڕاستەقینە بەبرینی دوو موچەو بن دیوارەکان دەست پێ دەکات نەک پێدانی (٤٠٠ ملیاری موچەی فەرمانبەران) بۆ بەناو وەبەرهێنەر، وه‌ ماندووبون و مافی فەرمانبەران دێزە بەدەرخۆنە بکرێن.

بابەتی دیكە

Close