تەندروستیعێراقهەواڵ

عێراق: پلانی دابەشکردنی ڤاکسینەکەی ئاشکراکرد

وەزارەتی تەندروستی عێراق نزیکەی ٦٠ بنکەی دابەشکردنی ڤاکسینەکەی فایزەری تەنها لە نەخۆشخانەکان دیاریکرد، کە ئاماژەی بەوەکردووە، ئەو دابەشکردنە بنکە تەندروستییەکان ناگرێتەوە.

ئەمڕۆ یەکشەممە، ریاز عەبدولئەمیر حیلفی بەڕێوەبەری تەندروستی گشتی لە وەزارەتی تەندروستی عێراق لە لێدوانێکیدا بۆ رۆژنامەی فەرمی سەباح رایگەیاند، وەزارەتی تەندروستی پلانێکی داناوە بۆ دیاریکردنی بنکەکانی دابەشکردنی ڤاکسینی دژە کۆرۆنای فایزەر لەکاتی گەیشتنی بۆ عێراق و ئاماژەی بەوەشدا، تەنها نەخۆشخانەکان دەتوانن ڤاکسینەکە دابەشبکەن و لەنەخۆشخانەکاندا دەدرێت بەخەڵکی، نەک لەبنکە تەندروستییەکانی گەڕەکەکان.

ئەوەشی خستەڕوو، لە ئێستادا ٦٠ بنکەی دابەشکردنی ڤاکسینی فایزەر لەسەر تاسەری عێراقدا دەست نیشانکراوە، دەشڵێت، ئەگەر پێویستبکات ئەوا بنکەکان زیاد دەکەن.

هاوکات، وەزارەتی تەندروستی لە راگەیاندراوێکدا ئاشکرایکرد، بەوردی چاودێری بڵاوبوونەوەی زینجرە نوێیەکەی کۆرۆنا لە ئەمریکا و ئەوروپا و بەریتانیا وهەندێک لە وڵاتان دەکات.

باسی لەوەشکرد، لە ئێستادا دۆخی توشبوون و بڵاوبوونەوەی کۆرۆنا لە عێراقدا زۆر باشبووە و بەرەو باشتریش هەنگاو دەنێت بەوەی رێژەی چاکبوونەوە بەرزترە لە توشبوون، بەڵام ئەمە پێویستی بە زیاتر پابەندبوون بە رێکارە خۆپارێزیەکانەوە هەیە تا جارێکی تر وڵات نەگەڕێتەوە بۆ ئاستی بەرزبوونەوەی توشبوون و کەمبوونەوەی چاکبوونەوە.

بابەتی دیكە

Close