ئابووریكوردستانهەواڵ

سایلۆى سلێمانى: داوا لەجوتیاران دەکەین سەردانمان بکەن بۆ وەرگرتنى چەکى پارەى گەنمەکانیان

سایلۆی سلێمانی داوا لەو جوتیارانە دەکات کە لە مانگى حوزەیرانى (2020) گەنمیان رادەستى سایلۆکە کردوە، رۆژى دووشەممە سەردانیان بکەن و چەکى پارەى گەنمەکانیان وەربگرن.

لە ئاگاداریەکدا سایلۆى سلێمانى داوا لەو جوتیارانە دەکات کە بەروارى (30ى حوزەیرانى 2020) گەنمیان رادەستی سایلۆکەیان کردوە، رۆژى دووشەممە (29/3/2021) سەردانی هۆبەی ژمێریاری بەڕێوەبەرایەتی سایلۆى سلیمانى بکەن بە مەبەستی وەرگرتنی چەکی پارەکانیان.

ئاماژە بەوەش دەکەن، ئەو جوتیارانەی لە ساڵەکانی (2014 – 2015 – 2016) گەنمیان رادەستی سایلۆکان کردوە وەکالەتیان بۆ کراوەتەوە، پێویستە وەکالەتەکانیان نوێ بکەنەوە بۆ ساڵی (2021).

سایلۆى سلێمانى لە ئاگاداریەکەیدا جەخت لە جوتیاران دەکاتەوە، سبەى یەکشەممە سەردانیان نەکەن، چونکە بەهۆى دابەشکردنى موچەى فەرمانبەرانەوە بانکەکان سەرقاڵن و سایلۆکەیان هیچ چەکێکى پارە لەو رۆژەدا دابەش ناکات و پێویستە رۆژى دووشەممە سەردانى سایلۆى سلێمانى بکەن.

لێدوان بنوسە لەڕیگای فەیسبووکەوە

بابەتی دیكە

Close