ئابووریعێراقهەواڵ

وەزیری بازرگانی عێراق لەبارەی بەشەخۆراكی مانگانە روونكردنەوە دەدات

وەزیری بارزرگانی عێراق رایگەیاند، چاوەڕوان پەسەند كردنی بودجەی 2021ی عێراقن بۆ ئەوەی لە ساڵێكدا شەش بەشە خۆراك بەسەر هاوڵاتیاندا دابەشبكەن.

عەلا جبوری، وەزیری بازرگانی عێراق بە سەردانێك گەیشتە پارێزگای كەركوك و لەگەل راكان جبوری، پارێزگاری بەوەكالەت كەركوك و ئیدارەی فەرمانگەی خۆراك لە پارێزگاكە كۆبوەوە. 
دوای كۆبوونەوەكە وەزیری بارزگانی عێراق لە كۆبوونەوەیەكی رۆژنامەوانیدا رایگەیاند: پلانی پێویستمان هەیە بۆ باشتركردنی رەوشی خۆراك لە عێراق بۆ ئەمەش چاوەروانی پەسەندكردنی بودجەی 2021ین بۆ ئەوەی بتوانین لە ساڵێكدا شەش بەشی خۆراك بەسەر هاوڵاتیان دابەشبكەین كە لەچوار ماددە پێكدێت.
جبوری لەبارەی شایستەداراییەكانی جووتیارانی شارەكەوە وتیی: %50 پارەی جووتیارانی كەركوكمان دابەشكردووە لە هەفتەی ئایندەشدا بڕی 261 ملیار دیناری دیكە رەوانەی كەركوك دەكەین هەفتەی دواتریش برێكی دیكە دابەش دەكەین.
ئەو لەبارەی دواكەوتنی شایستە داراییەكانی ئەو جووتیارانەوە رایگەیاند، هۆكارەكە درەنگ بە بازاركردنی بەرهەمەكانیانە كاتێك رادەستی حكومەتی دەكەن ژمارەیەكی زۆر لە جووتیارانی پارێزگاكان پارەی تەواویان پێ دراوە تەنها كەركوك و چەند پارێزگایەكی دیكە ماوە.  
ئەوەش دوای ئەوەهات كە شەوی رابردوو وەزارەتی بازرگانی رایگەیاندبوو 429 ملیار دیناری شایستەداراییەكانی جووتیارانی عێراق وەك قۆناغی هەشتە و نۆیەم دابەشدەكەن. 

لێدوان بنوسە لەڕیگای فەیسبووکەوە

بابەتی دیكە

Close