ئابووریكوردستان

هەڤاڵ ئەبوبەکر: سلێمانی لە وەبەرهێناندا لەسەر ئاستی هەرێم بوو بەیەکەم

پارێزگاری سلێمانی پیرۆزبای لە دانیشتوانی شارەکە دەکات و دەڵێت بۆ یەکەمجار لە ژمارەی پرۆژەکانی وەبەرهێنان و سەرمایەگوزاریدا سلێمانی لەسەر ئاستی هەرێم بوو بەیەکەم.

هەڤاڵ ئەبوبەکر لە پەیجی فەرمی خۆی نوسیویەتی بەهەوڵی زۆری حکومەت و لایەنە پەیوەندیدارەکان و سەرمایەدارەکان لە ماوەی ساڵی ڕابردودا بڕی ملیارێک و چل و حەوت ملیۆن دۆلار لەڕێی سی و چوار پڕۆژەوە لەسنوری سلێمانی خراوەتە گەڕ.

ئاماژەی بەوەشکردوە سلێمانی جگە لە وەبەرهێنان لە بوارەکانی ئازادییە تایبەتیی و گشتیی و مێدیایی و سیاسییەکان و ڕۆشنبیرییەکان و کرانەوەی کۆمەڵایەتیی و بەشداریی ژنان و ئاسایشی گشتیی و هونەرو وەرزش و داهێنانی ئەدەبیی و پەروەردەو تەندروستیی و شارەوانیی و ژینگەو سەوزایی و چارەسەرکردنی خۆڵ و خاشاک و وزە نوێکان و ژمارەی دەروازە سنورییەکان و یەکە کارگێڕییەکان و کشتوکاڵ و پیشەسازیی و فراوانبونی مرۆیی و شارنشینیی و شارەوانیی و نیشتەجێبوون و ‎ بوژاندنەوەی گوندەکان و چالاکییە مەدەنیی و ڕۆشنبیریی و هونەرییەکان و گەشتیاریی و پێکەوەژیان و ئیدارەدانی شیاوی بەرەنگاربونەوەی کۆرۆناو، و کەمترین ‎ ڕێژەی نەخوێندەوایی و هەژاریی و بێکاریی یەکەمە.

لێدوان بنوسە لەڕیگای فەیسبووکەوە

بابەتی دیكە

Close